പിഞ്ചുകുഞ്ഞിനെ നോക്കിയിരുപ്പമ്മ
നെഞ്ചു പൊട്ടുന്ന വേദനയോടെ
കൊഞ്ചലറിയാതെ പുന്നാരമില്ലാതെ
പുഞ്ചിരിക്കുന്ന പൊന്നു മകളിവൾ
അമ്മതന്നുടെ കണ്ണുനീർ കാണുമ്പോൾ
ഓടിയെത്തി മിഴി തുടക്കുന്നിവൾ
വിശപ്പിന്റെ വേദന കത്തിപ്പടരുമ്പോൾ
പുഞ്ചിരിക്കുന്ന പൊന്നു മകളിവൾ
അച്ഛനാരെന്നറിയില്ല പൊന്നെ നിൻ
അമ്മ ഞാനെന്ന് മാത്രമറിയുന്നു
കയ്യേൽക്കാൻ ആളില്ലെന്നരികിലും
പുഞ്ചിരിക്കുന്ന പൊന്നു മകളിവൾ
സങ്കടക്കടൽ ഉള്ളിൽ നിറയുമ്പോൾ
നിന്നെ നെഞ്ചോട് ചേർത്തു പിടിക്കുമ്പോൾ
അമ്മയറിയാതെ ഉള്ളിൽ കരയും നീ
പുഞ്ചിരിക്കുന്ന പൊന്നു മകളിവൾ
നാളെ നേരം പുലരുമ്പോൾ കുഞ്ഞേ ഞാൻ
കാനുകില്ലെന്നോരവസ്ഥ വരുകിലും
ജീവിതവ്യഥ ഒന്നുമറിയാതെ
പുഞ്ചിരിക്കുന്ന പൊന്നു മകളിവൾ
No comments:
Post a Comment